सिन्धुपाल्चोक : गोले तामाङ वंशको बिशिष्ट पहिचान, प्राचीन गोले बोन्वोको ऐतिहासिक तथा पहिलो पुर्ण कदको शालिक इन्द्रावती गाउँपालिका वडा नं ८ का वडा अध्यक्ष श्री डिलबहादुर श्रेष्ठको सहजीकरण र गोले तामाङ वंश उत्थान समाजका अध्यक्ष श्री मिन प्रसाद गोलेको विशिष्ठ आथित्यतामा इन्द्रावती गाउँपालिकाका अध्यक्ष झम्कनाथ नेपाल बाट समुद्घाटन सम्पन्न भएको छ ।
इन्द्रावती गाउँपालिका सिन्धुपाल्चोकको आर्थिक सहयोग तथा गोले तामाङ वंश उत्थान समाजको सहकार्यमा, ज्यामिरेमाने, सिम्बारी, खर्क टोल विकास संस्था इन्द्रावती ८ ले निर्माण सम्पन्न गरेको हो ।
नेपालका आदिवासी जनजाती तामाङ समुदायको एक विशिस्ट “थर” गोले बंशको प्राचीन बोन्वोको पहिलो पुर्णकदको शालिक जनैपुर्णिामा “गोने ङ्ह्या” तामाङ ज्ञान दिवस २०८२ को अवसरमा इन्द्रावती गाउँपालिका वडा नं ८ ज्यामिरेमानेमा एक भव्य कार्यक्रमका विच अनावरण तथा उद्घाटन भएको हो ।
- नवलपुर घ्याङ गुठीका प्रमूख लोपेन बुझुङ लामाद्धारा बौद्ध परम्परा अनुसार सलाङ (भूमीपुजा), साङ सेरकेम (स्वस्ति शान्ति पुजा), सहित विधी पुर्वक ह्राप्ने (प्राण प्रतिष्ठा) र सालिक अनावरण गरि सर्वसाधारणलाई दर्शनको लागि खुला गरिएको सालिकमा प्रमूख अतिथी नेपालले सिलालेख अनावरण, विशिष्ट अतिथी गोलेले दीप प्रज्वलन र विशेष अतिथी तामाङले नेपालको राष्ट्रिय झण्डाको झण्डोत्तोलन सहित ४ वटा विधीबाट उद्घाटन गरिएको हो ।
- संसारमै गोले बोन्वोको पहिलो सालिक निर्माण भएकोमा उक्त सालिकमा हाललाई गजुर सहितको छाना राख्न र सालिक वरपर स्टील रेलिङ निर्माणमा गोले तामाङ वंश उत्थान समाजको सहकार्य स्वरुप प्राविधिक इष्टिमेट अनुसार रु १ लाख ४४ हजार रुपैयाको चेक केन्द्रिय अध्यक्ष एबं कार्यक्रमका विशिष्ट अतिथी मीन प्रसाद गोलेले आयोजकलाई हस्तान्तरण गर्नुभयो । गोले बंशका कुल बोन्वो र लाप्तावा हरुले शुक्रबार साँझ देखी रातभरी स्हील, साङ सेरगेम, पुजापाठ गरी शनिवार विहान झाँकी सहित बोन धर्मको विधीद्धारा सालिक र संगै रहेको छ्योर्तेनको दर्शन र पुजा प्रार्थना गरी कार्यक्रमलाइ अझ धार्मिक र रोमान्चक बनाइएको थियो ।